د افغانستان دارالاسلام د اسلامي پوځ بشپړ آمادهګۍ د شمال د زلزلهځپلو د مرستې لپاره
بسم الله الرحمن الرحیم
د هېواد په یو شمېر شمالي ولایتونو کې د یوې نسبتاً زورورې زلزلې له رامنځته کېدو وروسته، د دارالاسلام امارت اسلامي افغانستان د دفاع وزارت د اسلامي او انساني مسئولیت له مخې اعلان کړی چې ټول د اسلامي پوځ ځواکونه په بشپړه توګه د زلزلهځپلو د بیړنیو مرستو لپاره په تیار حالت کې دي.
عنایتالله خوارزمي، د دفاع وزارت ویاند، په ایکس (پخواني ټویټر) کې لیکلي دي:
«د اسلامي پوځ زړورو ځواکونو ته هر وخت چمتووالی شته چې د افغانستان له مجاهد او صابر ملت سره اوږه په اوږه ودریږي او د زلزلهځپلو کورنیو ته د بیړنیو مرستو په رسولو کې هېڅ هڅه ونه سپموي.»
هغه زیاته کړې چې له ټولو متضرر شوو هېوادوالو څخه غوښتنه کېږي چې د اعلان شوو تماس شمېرو له لارې له مرستندویو مرکزونو سره اړیکه ونیسي، تر څو مرستې په لنډ وخت کې ورسېږي.
په پای کې د دارالاسلام دفاع وزارت ټینګار کړی چې د اسلامي پوځ مجاهد ځواکونه نه یوازې د هېواد د خپلواکۍ او عزت د دفاع په لیکو کې ولاړ دي، بلکې د ملت د مظلومو او بېوسه خلکو د خدمت لپاره هم هر وخت حاضر دي، او د هر ډول طبیعي آفت او ستونزې پر مهال د فداکارۍ او اخلاص بېلګه وړاندې کوي.
دافغانستان دارالاسلام امارت اسلامي — د دین، او امت مسلمه په خدمت کې.