د ایمانوالو لپاره روښانه سوال: ولې امریکا جولاني مني، خو د اسلامي امارت مشر نه؟
نن ښکاره ده چې د ایمان، اسلام او سیاسي مشروعیت معیار د امریکا او لویدیځ لپاره نه د الله کتاب دی او نه د رسول ﷺ سنت؛
بلکې د سکولار قوانین او د هغوی سیاسي پلانونو ته اطاعت معیار دی.
مثالونه واضح دي:
د افغانستان اسلامي امارت، چې د الله شریعت یې بنیاد دی او مشر یې شیخ الحدیث او القرآن ملا هبتالله آخندزاده حفظهالله دی؛
خو امریکا حتی د نوم یادولو هم زړه نه کوي، او حکومت یې نه پیژني.
په مقابل کې، ابو محمد جولاني (احمد الشرع) چې نن د شریعت پر ځای
ډیموکراسۍ، بشري قوانین او د غرب د سیاست لارښوونې مني،
د امریکا له لوري د «بریالي سیاستمدار» په توګه پېژندل شوی او ملاتړ یې ترلاسه کړی.
ای اهل ایمان او بصیرت!
دغه لوی تضاد څه پیغام ورکوي؟
آیا معنی دا ده چې د اسلامي امارت مشر ملا هبتالله مسلمان، عالم او سیاستمدار ندی؟
یا ستونزه په بل ځای کې ده؟
حقیقت روښانه دی:
ستونزه دا ده چې اسلامي امارت د امریکا امر نه مني،
سکولار قوانین نه مني،
او واک یوازې له الله څخه اخلي، نه واشنګټن څخه.
په مقابل کې:
جولاني دقیقا هغه څه کوي چې امریکا غواړي؛
پر شریعت نه، بلکې پر سکولار دولت ټینګار کوي؛
پر امت نه، بلکې پر ملت، سرحد او د غرب سیاست خبرې کوي؛
او د کفارو سره همغږي کوي، پرځای د هغوی مقابله.
نو اصلي سوال دا دی:
ایا امریکا ایمان او اسلام معیار ګڼي، یا یوازې د خپل پلان سره تابعیت؟
که معیار شریعت وي،
نو اسلامي امارت باید محترم وبلل شي.
که معیار میړانه او جهاد وي،
نو طالبان باید ستایل شي.
خو که معیار سکولاریزم، سیاسي اطاعت او د امریکا پلان سره همغږي وي…
نو روښانه ده چې څوک تصویب کیږي او څوک دښمن اعلان کیږي.
دا سوال موږ مطرح کړ؛
اوس ځواب ستاسو دی، ای اهل ایمان او بصیرت!