د ابابیل سخت غبرګون؛ په اسلامي سرحدونو کې د “صهیونیستي ډوله ماشوم وژنې” د ستراتیژۍ ماتول
به قلم: ابوهاجر خان آبادی
«سَيُهْزَمُ الْجَمْعُ وَيُوَلُّونَ الدُّبُرَ»
(ژر ده چې دا ډله به ماته شي او شا به کړي – سوره قمر، ۴۵ ایت)
د افغانستان د اسلامي امارت پر پاکه خاوره د طاري دارالکفر (پاکستان) د امنیتي ادارو وروستي تیري یوازې یوه سرحدي نښته نه ده، بلکې دا یوه پلان شوې نړیواله توطئه ده.
۱. د صهیونیستي جنایاتو کاپي؛ ښوونځي او جوماتونه په نښه کول
په افغانستان کې د ښوونځیو، ملکي مرکزونو او جوماتونو بمبارول، په غزه کې د ماشوم وژونکي اسرائیل د جنایاتو تکرار دی. هغه دښمن چې د مجاهدینو سره په مخامخ ډګر کې د مقابلې توان نه لري، په ډارن ډول د ملکي خلکو او ماشومانو په نښه کولو ته مخه کوي. خو هغوی باید پوه شي چې زموږ د ماشومانو او لمونځ کوونکو د وینې ځواب به هیڅکله “سکوت” نه وي.
۲. د واشنګټن، تلابیب او اسلاماباد شومه مثلث
دا وحشیانه بریدونه په واشنګټن او تلابیب کې پلان شوي دي. د نړیوال استکبار اصلي هدف د سیمې ناارامه کول او د دارالاسلام د ځواکمنو مرکزونو کمزوري کول دي. په یو وخت کې پر اسلامي امارت بریدونه او د امریکا او صهیونیزم لخوا د ایران دارالاسلام په نښه کول دا ثابتوي چې دا یوه ګډه نقشه ده ترڅو ګاونډي هیوادونه په خپلو کې ښکیل او د سیمې امنیت له منځه یوسي.
۳. د “کنټرول شوې جګړې” پای؛ هدف: اسیران نیول او درانه تلفات اړول
متجاوز دښمن باید دا فکر ونه کړي چې د یوې محدودې او کنټرول شوې نښتې سره مخ دی. د افغانستان اسلامي امارت اعلان کوي چې د زغم وخت پای ته رسیدلی. د دې تجاوزاتو په وړاندې زموږ ستراتیژي یوازې دفاع نه، بلکې یو داسې برید دی چې هدف یې دا دی:
• د متجاوزو ځواکونو څخه د اسیرانو نیول.
• د دښمن جنګي ماشین ته درانه ځاني او مالي تلفات اړول.
• او د غرب د مزدورانو له وجود څخه د سرحدونو پاکول.
۴. د ابابیل د ډبرو د فرود انتظار
دا چې د مجاهدینو د قهر “ابابیل” به په کوم ساعت او کوم ځای کې د دښمن پر حساسو مرکزونو ډبرې وریوي، دا به د دښمن د ډارنو قومندانانو لپاره د شپې لخوا یو بوږنونکی خوب وي. موږ د غاښ ماتونکي ځواب وخت او ځای پخپله ټاکو. موږ د هغو فاتحینو وارثان یو چې د نړۍ د زبرځواکونو ملاوې یې ماتې کړې؛ نو دا اجیرې لښکرې به هیڅکله د مجاهدینو د فولادي ارادې په وړاندې مقاومت ونه شي کړای.
«وَمَا رَمَيْتَ إِذْ رَمَيْتَ وَلَٰكِنَّ اللَّهَ رَمَىٰ»
بریا د متقیانو ده او ماته د کفر او نفاق د لښکرو برخلیک دی.