د امارت اسلامي د موقف کمزوري: د امريکا او پاکستان دسيسې په وړاندې بې عمله چلند
د امارت اسلامي د افغانستان وياند، مولوي ذبيح الله مجاهد، ويلي چې «پاکستان د افغانستان خاوره بمبارد کوي او کابل ته بې حرمتي کوي، په حقيقت کې د امريکا د بګرام د بيرته راتګ زمینه برابروي»، دا څرګندونه د ضعف او بې عملۍ واضح نښه ده.
دا ډول بيان په حقيقت کې د دښمن لاسونه نور هم پرانیزي او ښيي چې امارت اسلامي پر دې تمرکز کړی چې د دښمن د عمل پايلې تشريح کړي، نه پر دې چې په قاطعانه توګه د پاکستان تجاوز وځپي او د افغانستان حريم وساتي. دا چلند هغه څه دي چې دښمن له دې څخه ګټه اخلي څو خپل نفوذ په افغانستان کې زيات کړي.
قرآن کریم د هغو کسانو په اړه چې اجازه ورکوي دښمن پر مسلمانانو غالب شي، هشدار ورکوي:
﴿وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ﴾ [آل عمران: ۱۳۹]
يعنې رښتینی ايمان غوښتنه کوي چې مسلمانان د دښمن په وړاندې قوي او قاطع وي او اجازه ورنه کړي چې حالات د امت اسلام پر زيان بدل شي.
نو ځکه، د امارت اسلامي دا بيان چې «پاکستان د امريکا بيرته راتګ زمینه برابروي»، نه یوازې د ضعف نښه ده، بلکه دښمن ته دا فرصت ورکوي چې د خلکو افکار او ځواکمن تحلیل تر اغيز لاندې راولي. د امارت اسلامي موقف بايد فعاله، قاطعه او مخنيوي کوونکی وي، څو د دښمن هېڅ فرصت پاتې نه شي چې خپلې شومې موخې پلي کړي.