د دارالاسلام امارت اسلامی افغانستان د کورنیو چارو د وزیر او د قزاقستان د لومړي مرستیال لیدنه
د دارالاسلام امارت اسلامی افغانستان د کورنیو چارو وزیر ښاغلي خلیفه سراج الدین حقاني د قزاقستان له یوه لوړپوړي پلاوي سره چې د هغه هېواد د لومړي مرستیال او د اقتصاد وزیر ښاغلي سریک ژومانګارین په مشرۍ یې کوله، وکتل او خبرې اترې وکړې.
په دې کتنه کې دواړو خواوو د مهمو موضوعاتو لکه:
• د امنیتي وضعیت او سیمه ییز ثبات
• د نشه یي توکو د قاچاق پر وړاندې ګډه مبارزه
• د ترانزیټ او سوداګرۍ د پراختیا اسانتیاوې
• د ټکنالوژۍ لېږد او اقتصادي همکارۍ
• او د سیاسي اړیکو او سیمه ییزو همکاریو پراختیا
په اړه خبرې او نظرونه تبادله کړل.
دواړو خواوو ټینګار وکړ چې اوس مهال په افغانستان کې د سوداګرۍ او پانګونې د پراختیا لپاره مناسبه فضا برابره شوې ده او باید د دواړو هېوادونو د ولسونو د پرمختګ او هوساینې لپاره له دې فرصت څخه ګټه پورته شي.
دا لیدنه د افغانستان اسلامي امارت د سیمه ییزو هېوادونو سره د متوازن او تعامل کوونکي بهرني سیاست په چوکاټ کې ترسره شوه.