بېقانون نړۍ؛ د امریکا، لوېدیځ او صهیونیزم د تجاوزاتو پر وړاندې خبرداری
عبدالله عزام، د دارالاسلام امارت اسلامي افغانستان د اقتصادي مرستیال د دفتر رئیس، په خپل خبرداروونکي پیغام کې ټینګار کړی چې نننۍ نړۍ په یو بېقانون ځنګل بدله شوې ده؛ داسې ځای چې قانون، انسانیت، بشري حقونه او د سرحدونو درناوی یوازې د متجاوزو قدرتونو فریبنده شعارونه دي.
هغه لیکلي دي: «که ته زمری نه شې، شغالان به دې وخوري»؛ او ونزویلا یې د دې ترخې واقعیت تازه بېلګه بللې ده.
د دې خبرداري روښانه پیغام
▪️ امریکا، لوېدیځ او نړیوال صهیونیزم یوازې د قدرت ژبه درک کوي
▪️ هر ملت چې کمزوری، وابسته او بېدفاع وي، د تجاوز او سپکاوي هدف ګرځي
▪️ د بشري حقونو او نړیوال قانون شعارونه د اشغال او جنایت د توجیه وسیلې دي
د نننۍ نړۍ حقیقت
په دې بېرحمه نړۍ کې:
• نه قانون د ملتونو ساتونکی دی
• نه نړیوال سازمانونه د مظلومانو پناه دي
• نه نړیوال تعهدات د تجاوز مخه نیسي
یوازې اقتدار، ټینګ دریځ او چمتووالی دي چې د دښمن مخه نیولی شي.
ملتونو او اسلامي امت ته پیغام
اسلامي امت باید وپوهېږي: ▪️ امنیت بې له قوته، یوازې توهم دی
▪️ خپلواکي بې له چمتووالي، تش شعار دی
▪️ او عزت بې له ټینګ دریځه، ناممکن دی
هغه دارالاسلام چې غواړي پاتې شي، باید قوي، هوښیار او چمتو وي؛
کنه د امریکا او د هغې د ملګرو د تجاوزي پروژو قرباني به شي.
د عبدالله عزام خبرداری یو عادي پیغام نه دی؛دا د ټولو ازادو ملتونو لپاره د خطر زنګ دی:یا به په دې د لېوانو نړۍ کې د اقتدار او ټینګښت لاره نیسې، او یا به د متجاوزو شغالانو ښکار ګرځې.