د دارالاسلام امارت اسلامی افغانستان د اقتصادي پرمختګ او د خلکو د آرامۍ او هوساینې په لور
به قلم: سلیمان عبدالرحمن
په تېرو پنځو کلونو کې، د افغانستان اسلامي امارت د ګڼو ننګونو او ستونزو سره سره، د اقتصادي پراختیا او د اتباعو د هوساینې او آرامۍ د تامین لپاره د بنسټیزو زیربناوو په جوړولو کې لوی ګامونه پورته کړي دي. په دې لار کې د اسلامي امارت هڅې، د دې نظام جدي هوډ ښيي چې د اسلامي اصولو پر بنسټ یوه آباده، خپلواکه او ځان بسېا ټولنه جوړه کړي.
د اسلامي امارت له اصلي لومړیتوبونو څخه یو، د بیکارۍ سره مبارزه او د افغانستان د ځوانانو د لویې طبقې لپاره د کار زمینه برابرول دي. د اسلامي امارت ویاند، مولوي ذبیح الله مجاهد، ټینګار کړی چې دغه نظام د نړیوالو محدودیتونو او اقتصادي فشارونو سره سره، د دندو په برخه کې د پام وړ پرمختګ کړی دی. که څه هم دا اقدامات لا تر اوسه کافي ندي، خو اسلامي امارت ژمنه کړې چې د شپې او ورځې په هڅو سره به د ځوانانو او اتباعو لپاره د کار نورې زمینې هم برابرې کړي.
اسلامي امارت د لویو اقتصادي پروژو په پلي کولو سره، د هېواد د اقتصادي جوړښت په برخه کې د ستر بدلون په درشل کې دی. د دې پروژو بشپړول به نه یوازې پراخو دندو ته زمینه برابره کړي، بلکې د انرژۍ، کرنې، کانونو او ترانزیټ په څیر په مهمو برخو کې به د افغانستان د ځان بسیاینې زمینه هم برابره کړي. دا پروژې د دارالاسلام د راتلونکي لپاره روښانه اقتصادي لید ښیي.
اسلامي امارت په تېرو پنځو کلونو کې د نړۍ له هېوادونو سره د سیاسي او اقتصادي اړیکو د پراختیا لپاره پراخه اقدامات کړي دي. دا هڅې د نړیوالو تعاملاتو د پیاوړتیا او د بهرنیو پانګونو د جذب په موخه شوي، او کولی شي په نږدې راتلونکي کې د اقتصادي وضعیت ښه والي او د عمومي هوساینې د کچې لوړوالي لامل شي.
اسلامي امارت ځان د شریعت د احکامو د پلي کولو او ټولنیز عدالت د تامین لپاره ژمن ګڼي. په دې برخه کې، د فقر د کمولو، د زیانمنو طبقو د ملاتړ او د دوامدارې پراختیا لپاره د اړینو زمینو برابرول، د دې نظام له مهمو موخو څخه شمیرل کیږي.
د افغانستان اسلامي امارت د دښمنانو د ټولو خنډونو او کارشکنیو سره سره، پر الله باندې په توکل او د افغانستان د مؤمنو خلکو په ملاتړ د پرمختګ او پراختیا لاره ادامه ورکوي. د کار زمینه برابرول، د لویو اقتصادي پروژو پلي کول او د نړیوالو تعاملاتو پراخول، د دې نظام د هڅو هغه برخه ده چې د یو آباد، خپلواک او سربلند هېواد د جوړولو لپاره ترسره کیږي. هیله ده چې د دې پروژو په بشپړیدو سره، افغانستان د اسلامي او سیمه ییزو هېوادونو په منځ کې خپلې مناسبي مقام ته ورسيږي او خلک یې د بشپړ آرامۍ او هوساینې څخه برخمن شي.