ایا یو بل جولاني په پاکستان کې په جوړېدو دی؟ د پاکستاني طالبانو فتنهانګیزه فتوا د القاعده سره د جګړې په اړه
لیکوال: خالد سیف الله المسلول
د القاعده د یمن پخوانی مشر وايي:
«د دښمن موضوع یوازې زموږ د قوماندانانو هدف ګرځول نه وو؛ مسئله تر دې لویه وه، او هغه د جماعت منحرفول وو. زموږ وروڼه به وژل او یوه نوې ډله زموږ منځ ته داخلول چې سازمان په لاس کې واخلي او اداره یې کړي.»
«د دښمن د دې توطئې تر څنګ، موږ ټولو ولیدل چې د ترکیې د سیکولر او مرتد حکومت استخباراتو د امریکا او انګلستان سره یو ځای څنګه ابومحمد الجولاني جوړ کړ او د سوریې پر جهاد او انقلاب یې مسلط کړ، تر دې چې د سوریې اوسنی واک هم ورته وسپارل شو، او یو بل عربي صهیونیست، مزدور او خاین یې د اسلامي نړۍ پر یوه له حساسو ټاټوبي د جهاد په نوم پر مسلمانانو مسلط کړ. داسې چې له لومړي سره یې د ترهګرۍ د مبارزې تر شعار لاندې او د بېاساسه پلمو په وسیله د اهل دعوت او اهل جهاد او د امریکا او لوېدیځ د مخالفینو لکه القاعده، حماس، جهاد اسلامي او نورو پر ضد جګړه کوله، او د خپلې خیانتکارۍ د توجیه لپاره یې غیرشرعي فتواوې ورکولې.»
«تحریک طالبان پاکستان هم په ورته کار لاس پورې کړی او یوازې د دې لپاره چې القاعده داسې مطالب خپاره کړي چې د دوی له خوښې سره برابر نه وو، یوه فتوا یې صادره کړې ده چې په هغه کې خپلو غړو ته په قبایلي سیمو کې اجازه ورکوي چې که اړتیا وي، د القاعده غړي ووژني.»
«که آن هم داسې وي چې د القاعده ځيني غړي په مجازي فضا کې د تحریک طالبان پاکستان پر ضد کوم نقد وکړي، نو حکم یې د القاعده د غړو وژل نه دي، بلکې یوازې له هغوی سره په دلیل او استدلال خبرې کول دي.»
«القاعده هغه عقاید نه لري چې خوارج یې لرل، خو خوارج تر هغه وخته چې په وسله یې د مسلمانانو وژنه نه وه پیل کړې، سیدنا علي رضي الله عنه ورسره جګړه ونه کړه. دا په داسې حال کې وه چې هماغه خوارج په ښکاره توګه سیدنا علي رضي الله عنه او زرګونه د رسول الله صلی الله علیه وسلم صحابه تکفیرول.»
«سربېره پر دې، له منافقینو سره هم، چې هغومره شبهې او رواني جګړه یې د رسول الله صلی الله علیه وسلم او نورو صحابهوو پر ضد رامنځته کړې وه، د هغوی سره د جګړې امر ونه شو، بلکې له هغوی سره په دلیل او برهان خبرې وشوې.»
«د وزیرستان القاعده ځواکونه نه خوارج دي او نه منافقین، نو د تحریک طالبان پاکستان غیر شرعي فتوا یوازې د اهل دعوت او جهاد پر ضد د خیانت بوی ورکوي او د امریکا او مرتدینو د جبهې خدمت ښکاره کیږي.»
«که د القاعده غړي مقالې لیکي، تاسې هم باید د شرعي علم پر بنسټ تر هغو اوږدې مقالې ولیکئ، نه دا چې فتوا ورکړئ چې که هغوی څه وویل، هغوی ووژنئ.
موږ ټول پوهېږو چې القاعده په پاکستان کې له ۲۰۱۴ کال راهیسې کومه ښکاره فعاليت نه ده لرلې، او له هر ډول شخړې او اصطکاک څخه یې د ټولو ډلو سره ځان لیرې ساتلی دی. د دوی ښکاره فعالیت یا د امریکا پر ضد د جهاد تبلیغ او دعوت و، او یا د امریکا او د هغوی د کورنیو مزدورانو پر ضد د جهاد تمرکز. همدارنګه هغوی له حافظ ګل بهادر سره بیعت کړی او د پاکستان د لاسپوڅي حکومت په خلاف د اتحاد المجاهدین پاکستان په صف کې، پرته له هر ډول انحرافي داخلي جګړې، فعالیت کوي.»
«دا چې د تحریک طالبان دارالافتاء ویلي دي چې القاعده باید تر جدي څارنې لاندې وي، او د دې په پلمه چې دوی په مجازي فضا کې مطالب لیکي، هغوی توطئهګر بللي او د هغوی وژنه یې جواز ګڼلې؛ په حقیقت کې د خیانت بد بوی او د امریکا د جبهې له همغږي او لویدیځ راضي کولو ښکار کوي.»
«موږ له تحریک طالبان پاکستان (TTP) څخه غوښتنه کوو چې مؤمنینو ته دا ډول تصویر ور نهکړي چې ګواکې دوی د امریکا او لویدیځ په صف او جبهه کې ولاړ دي، او پاکستان د یو بل جولاني د تولید شاهد ګرځي.»